Policia ka arrestuar tre persona, të dyshuar si bashkëpunëtorë në vrasjen e Jurgen Kurtit. Konkretisht, në pranga kanë rënë shtetasit Elsi Levendi, 21 vjeç, lindur në Athinë/Greqi dhe banues në Tiranë; Alesio Berberi 33 vjeç, lindur dhe banues në Patos, Fier dhe Olsi Qalliaj, 22 vjeç, lindur në Fier dhe banues në Patos.
Po ashtu, një tjetër person është shpallur në kërkim. Katër të dyshuarit janë miq me njëri-tjetrin, ndërsa të arrestuarit nuk kanë pranuar akuzat, duke thënë se nuk e njihnin më parë Kurtin.
Por, çfarë gjeti policia gjatë kontrollit fizik?
Në banesat e të arrestuarve, policia gjeti dhe sekuestroi një automjet që u ka shërbyer autorëve për t’u larguar nga vendi i ngjarjes, si dhe dy makina të tjera luksoze.
Gjithashtu u gjet dhe një armë zjarri “Pistoletë TT”, fishekë luftarak, një sasi prej 2470 Euro e lekë shqiptare, 13 aparate celular, si dhe një sasi e vogël lënde narkotike.
