Për Maturën Shtetërore sivjet janë shtuar masat disiplinore. Nëse kapeni me celular gjatë provimeve të maturës shtetërore, humbisni vitin. Është vetë Ministrja e Arsimit, Besa Shahini, e cila njofton për ashpërsimin e masave disiplinore në lidhje me përdorimin e celularit.
Nëse një maturant konstatohet gjatë provimit me celular, përjashtohet nga të gjitha provimet e maturës shtetërore dhe ka të drejtë t’i japë ato pas një viti.
Statusi
“Për Maturën Shtetërore janë shtuar edhe masat disiplinore: paraqitja e maturantit në qendrën e provimit dhe/ose konstatimi gjatë tij me #celular sjell përjashtim direkt nga të gjitha provimet e maturës dhe e detyron t’i japë ato pas një viti”, shkruan ajo bashkëngjitur videos në fjalë.
