Të paktën 6 emigrantë të paligjshëm shqiptarë janë ndaluar Bootle, pasi policia i ka pikasur teksa po përpiqeshin të që të hynin në Britani, nga një anije që kishte arritur në portin e Peel. Policia ka vënë re lëvizjet e tyre të dyshimta mbrëmjen e djeshme në port, dhe ka zbuluar se të gjithë janë shqiptarë, shkruan Tirana Today.
Policia mbylli portin, për disa orë dhe kapi autorët e dyshuar, emigrantë të jashtëligjshëm nga Shqipëria, raporton liverpoolecho.co.uk.
Policia e portit pastaj kontaktoi agjencinë qeveritare të Forcave Kufitare për të marrë pjesë dhe të ndaluarit u dërguan në stacionet e policisë në Merseyside.
Një zëdhënës tha: “Gjashtë burra, që të gjithë shtetas shqiptarë, u ndaluan dhe me ta do të procedohet sipas rregullave të emigracionit. Kur dikush nuk ka të drejtë të qëndrojë në Britani të Madhe, ne do të ndërmarrim veprime për t’i larguar ata”.
Një dëshmitar okular i incidentit shtoi: “Policia gjithashtu po kontrollonte të gjithë ata që hynin dhe dilnin nga porti”.
Një zëdhënës nga porti Peel tha: “Të hënën, më 22 janar, gjashtë emigrantë të paligjshëm hynë në zonën e sigurt të portit nga një anije. Të gjashtë u kapën dhe u ndalën nga Policia portuale dhe tani janë në qendrën e Merseyside. Forca Kufitare e Mbretërisë së Bashkuar u alarmua në atë kohë dhe tani po merret drejtpërdrejt me çështjet, ku thuhet se ata do të dëbohen për në vendin e tyre”. TIRANA TODAY
