Kryetari i Partisë PD-së, Lulzim Basha deklaroi sot se policët mund të shkojnë dhe ta arrestonjnë atë kur ai të bëjë protestë pa leje. Gjatë mbledhjes që u mbajt sot pasdite në selinë e Partisë Demokratike, kryetari Basha tha se nuk do të bëjë kërkesë për leje për protestat që do të organisojë. Ai ka ironizuar me arrestimet që bëri policia në Kukës ndaj atyre që protestuan për taksën në rrugën e “Kombit”. Basha deklaron se policët do të trajtohen si të tillë vetëm kur të fillojnë që të sillen si të tillë.
Kreu i PD-së, thotë se policia nuk arreston Olsi Ramen, Saimir Tahirin, Agron Xhafen, Balilajt e Habilat dhe kriminelët me shokë.
“Policia nuk arreston Olsi Ramen, Saimir Tahirin, Agron Xhafen, Balilajt e Habilat dhe kriminelët me shokë nuk ka për të pasur asnjë peticion apo kërkesë zyrtare për të marrë leje për mitingje. Le të vijnë të ju arrestojnë ju, le të arrestojnë deputetët, le të vijnë e të më arrestojnë mua. Kërkesë nuk ka për të pasur. Kur ata të fillojnë të sillen si polici e ligjit edhe ne do ti trajtojmë si polici e ligjit. Nuk kemi nevojë për media, të gjithë kemi Facebook, smartfonë. Do të përcaktohen pikat nevralgjike nga ku do të nisë veprimi e do të përshkallëzohet veprimi. Do të thirren qytetarët e do t’u tregohet qartë që ky aksion bëhet për ju dhe vetëm për ju. Ne jemi në krahun tuaj dhe nuk ka rrugë tjetër. Nuk ka mbetur rrugë tjetër përballë kësaj bande në pushtet që shkel kushtetutën e ligjin dhe dhunon qytetarët për pushtetin e pasurinë e saj. Nuk ka rrugë tjetër!” deklaroi Basha.
