Vera është një nga sezonet që shënon numrin më të lartë të emigrantëve shqiptarë që rikthehen në vendin e tyre për të pushuar. Kjo evidentohet edhe në videon e dërguar në redaksinë e “Tirana Today”, ku në Bari të Italisë, vërehet numri i lartë i shqiptarëve që i drejtohen brigjeve tona për të pushuar.
Ky konstatim vjen nga autoritet policore italiane. Ato deklarojnë se një numër kaq i madh nuk është parë në asnjë nga vitet e mëparshme.
Ndërkaq më herët, Departamenti Për Kufirin dhe Migracionin konstatoi se gjatë 16 orëve të fundit, kanë hyrë në territorin e Shqipërisë rreth 25 mijë shtetas si dhe rreth 5 mijë automjete, ku fluksi më i madh në hyrje është në pikën kufitare Morinë.
Ndërsa nuk janë shënuar probleme gjatë hyrje – daljes së shtetasve shqiptarë e të huaj apo shkelje të rregullave të shërbimit.
