Banorë të ‘Unazës së Re’ i bllokuan rrugën sonte ministrit të Infrastrukturës dhe Energjisë, Damian Gjiknuri. Ministri është i ftuar në emisionin “Open” të gazetares Eni Vasili. Por në momentet kur makina e ministrit i afrohet televizionit i dalin para banorë të ‘Unazës së Re’ me pankarta në duar.
Ministri Gjiknuri e komentoi këtë protestë, duke thënë se ka shtysë politike. Ai u shpreh se e rëndësishme është që të gjendet një zgjidhje.
“Mund të jetë edhe e organizuar. Jam i bindur që ka edhe shtysë politike. Janë presione që nuk të çojnë asgjëkund. Ajo që duhet të bëjmë është të gjejmë një zgjidhje”, tha Gjiknuri.
Ndërkohë videon e protestuesve e publikoj në Facebook-un e tij dhe ish-kryeministri Sali Berisha i cili shkruan “policia e fut me makinë të saj nga dera e pasme e ndërtesës pra nga dera e halesë. Ata e perzënë me bishte nën shalë, e gjuajnë me vezë dhe domate.
Pronarët e banesave që preken nga ndërtimi i Unazës së Re, të cilët prej ditësh protestojnë duke bllokuar rrugën.
