Një apartament në banesat sociale në Shkozë është përfshirë nga flakët. Mësohet se zjarri ka rënë në kuzhinën e një apartamenti në katin e tretë, por ende nuk dihet shkaku.
Banorët janë evakuuar nga banesat pasi rrezikonin asfiksinë. Fatmirësisht nga zjarri nuk ka të lënduar.
Zjarrfikëset kanë mbërritur në vendngjarje, teksa kanë vënë zjarrin nën kontroll. Pritet që pas hetimeve të zbulohet edhe shkaku i rënies së zjarrit.
Njoftimi i policisë:
Tiranë
Informacion paraprak
Rreth orës 11:45, në Shkozë ka rënë zjarr në një banesë sociale i cili është fikur nga shërbimet e policisë dhe zjarrfikëses.
Nga zjarri janë shkaktuar vetëm dëme materiale.
Po punohet për sqarimin e plotë të rrethanave të rënies së zjarrit.
