Arsenali nuk po gjen dot forca të dalë nga kriza, aq sa kjo u vërejt qartë në fushë në derbin e Londrës ndaj Totenhemit, ku “Topçinjtë” pësuan humbje 2-0.
Pak sekonda përpara shënimit të golit të dytë të “Spurs”, mesfushori Tomas Parti afrohet në vijën anësore pranë trajnerit të tij Mikel Arteta.
Në këtë moment, Totenhemi përfiton dhe del shpejt në sulm. Duke parë mungesat e lojtarëve në prapavijë, Arteta shtyn Partin të bllokojë sulmin kundërshtar, por është tepër vonë pasi Herri Kejn godet saktë dhe shënon.
Pas 11 javësh, Arsenali renditet në vendin e 15-të me 13 pikë duke kaluar një nga momentet më të këqija në historinë e tij.
