Përfundon ndeshja midis Ukrainës dhe Anglisë, e zhvilluar në stadiumin ”Olimpico” të Romës, e vlefshme për fazën e 1/8-ave në ”Euro 2020”.
Anglezët kanë kaluar në gjysmëfinale, aty ku do të përballen me Danimarkën. 3 luanët fituan me rezultatin e pastër 0-4 ndaj skuadrës së Andry Shevchenko.
45 minutat e para u mbyllën me avantazhin minimal të anglezëve, të cilët kaluan në epërsi me anë të Harry Kane, në minutën e 4-të.
Sulmuesi i Tottenham Hotspur, shfrytëzoi më së miri një asist nga Rahem Stërling, duke dërguar topin në rrjetë. Pas një paraqitje jo të mirë në ndeshjet e para, 27-vjeçari duke se po rigjen formën pas golit me Gjermaninë.
Me startin e pjesës së dytë, kapiteni Meguajër dyfishoi shifrat, duke goditur saktë me kokë pas një harkimi të Shou nga goditja e dënimit nga krahu i majtë.
Në këtë moment anglezët ishin të papërmbajtshëm, teksa Kejn, në minutën e 50-të, shënoi golin e tretë të sfidës dhe të dytin personal.
Në minutën e 63-të, Henderson gjeti rrugën e rrjetës. Pas një harkimi nga këndi, mesfushori i Liverpulit, i shpëtoi mbulimit të mbrojtjes dhe tundi rrjetën.
