Tradita e hedhjes së sendeve mbi figurat publike, është shumë e vjetër. Në vitin 63 të Erës Sonë perandori romak Vespasiani u qëllua me rrepa nga qytetarët e zemëruar me politikat e tij. Ndërkohë, veza si një mjet për shfryrjen e dufit ndaj udhëheqësve u shfaq në Mesjetë. Më vonë ndaj politikanëve nisën të hidheshin lloje të ndryshme frutash dhe zarzavatesh, shpesh herë të kalbura.
Vitet e fundit, mbi kokat e politikanët kanë fluturuar objekteve të ndryshme. Sekretarja e Shtetit Hillari Klinton, u qëllua me këpucë gjatë një takimi në Las Vegas në vitin 2014. I famshëm është indicenti gjatë vizitës së presidenti amerikan Xhorxh W. Bush në Irak në vitin 2008.
Gazetari Muntadhar Al-Zaidi e qëlloi me këpucë, por pa e shënjestruar dot gjatë konferencës së shtypit. Ai u arrestua, dhe dënua me disa vite burg, por u shndërrua në një hero në vendin e tij.
Aktori i njohur Arnold Shvarceneger, u qëllua me vezë para një debati në fushatën e zgjedhjeve për guvernator në vitin 2003. Të njëjtin “fat” pati edhe Bill Klinton në vitin 2000, gjatë një fjalimi që po mbante në Varshavë të Polonisë.
Kryeministri italian Silvio Berluskoni, ishte më fatkeq nga të tjerët. Në vitin 2009, ai u godit me një mini-statujë nga një burrë, duke humbur 3 dhëmbë dhe thyer nofullën. Ndërkohë në Britani, “shijen” e goditjes me vezë e kanë provuar edhe kryeministrat Toni Bler dhe Dejvid Kameron. Vlen të theksohet se në shumë raste dhe vende, hedhja e objekteve të tilla qoftë edhe në mënyrë simbolike, përbën një vepër penale, pasi cilësohet një fyerje e dinjitetit të njeriut.
