Gazetari Flamur Vezaj kritikon Këshillin e Lartë të Prokurorisë, duke u nisur që nga mënyra se si ajo u krijua, deri te vendimi i fundit për zhvillimin e mbledhjes pa praninë e medias.
Këtë vendim, Vezaj e quan të turpshëm, teksa shkruan se arsyeja nuk cenimi i privatësisë së subjekteve siç u pretendua, por anëtarët nuk duan që diskutimet mes tyre për kandidatët të bëhen publike.
Më tej, problemi më i madh, shkruan Vezaj, është kriteri i shtuar se kandidatët e SPAK kandidatet duhen te kenë qene pjese e task-forcave dhe Prokurorisë për Krime të Rënda. Gazetari rendit më tej arsyet përse duhet hequr ky kriter.
Shkrimi i plotë:
“KLP-ja e re me huqe te vjetra”
Një nga arsyet pse ndërkombëtaret ndërmorën iniciativën për ndryshimet ligjore qe tashme njihen si “Reforma ne Drejtësi” ishte edhe mungesa e transparencës. Ne atë kohe te gjithë institucionet e drejtësisë, u kritikuan për mungese transparence qofte ne zhvillimet e proceseve gjyqësore me dyer te mbyllura, vendimmarrjet apo edhe mbledhjet e këshillave te ndryshme te drejtësisë qe bëheshin ne mungese te plote te transparencës me publikun! Kështu qe me ndërhyrjen e ndërkombëtareve u krijuan grupet e punës dhe pas shume debateve, akuzave e problemeve politike u arrit te votohet “Reforma ne Drejtësi” edhe pse për disa pika unë vazhdoje te them se nuk është arrit qëllimi i duhur! Kështu pas zvarritjeve nga qeveria te krijimit te institucioneve te “pavarura” Kushtetuese për disa vite, me ne fund u gjete “formula magjike” dhe u krijuan KLP-ja dhe KLGJ-ja! Edhe krijimi i tyre mendoj se është bere me nxitim, pasi disa anëtare te këtyre këshillave nuk kane kaluar vetingun ne formën e prere dhe mendoj qe ky është një problem, pasi nuk mund te kërkojnë si kriter qe kandidatet për SPAK te kalojnë formën e prere nga vetingu!! Por pavarësisht këtyre problemeve, anëtarët e KLP-se ne mbledhjen e fundit morën një vendim te turpshëm! Po po te turpshëm dhe qe hedh poshtë te gjithë këtë gjasme reforme, duke mbyll dyert për publikun dmth median! Kjo mbyllje na qenka justifikuar me faktin se “cenohet privatësia e subjekteve”! Për cilën privatësi behet fjale, ku te gjithë kandidatet qe do përballen ne KLP supozohen se i janë nënshtruar procesit te vetingut dhe gjithçka është publike, pasuria etj etj! Mendoj se nuk është kjo arsyeja, por janë debatet dhe vendimmarrja e tyre për kandidatet e SPAK-ut! Siç duket këta anëtarë, nuk duan qe te merret vesh se cfare pyetje bëjnë, debatet mes tyre për kandidatet dhe cili do jete vendim i tyre për kandidatet specifik për ne SPAK! Kjo mendoj se i ka shtyre anëtarët e KLP-se (qe për disa vazhdoj te kem respekt) qe te mbyllin dyert për mediat duke shprehur kështu qe ne fillimet e saj nje mungese te transparencës! Por nuk është vetëm ky problemi i KLP-se! Ata, pak kohe me pare hapen procedurën dhe shtuan disa kritere (veç ato te ligjit) për kandidatet qe duan te konkurrojnë ne SPAK! Ne mesin e kritereve është edhe fakti qe “kandidatet duhen te kenë qene pjese e task-forcave dhe Prokurorisë për Krime te Renda”!! Kjo përsëri bie ndesh me qëllimin e reformës ne drejtësi, pasi ky kriter se pari, përjashton nga kandidimi te gjithë ata juristet qe janë dhe kane qene jashtë sistemit te prokurorisë e qe duan te bëhen pjese e SPAK-ut. Meqenëse është fol shume se ky sistem i prokurorisë është i korruptuar! Dhe e dyta, përjashtohen për te qene pjese e SPAK-ut ata prokurore qe nuk kane punuar pranë task-forcave apo Prokurorisë për Krime te Renda!!!? Dihet tashme, sidomos nga vet prokuroret dhe gazetaret, qe ata qe kane punuar prane task-forcave dhe Prokurorisë për Krime te Renda (90 % e tyre) kane qene te njohur te shefave (shok e shoqe) ose kishin nje suport politike qe ata kane bere karriere ne këto njësi te veçanta! Pra përsëri ata prokuror qe nuk kishin njohje dhe qe nuk janë promovuar ndonjëherë ne këto njësi, mbesin jashtë kandidimit per ne SPAK! Kështu qe mendoj se ky kriter, duhet hequr dhe ti hapet rruge secilit qe plotëson kushtet e parashikuara ne ligj dhe me pas te vlerësohen nga KLP-ja! Pasi me lind e drejta te mendoj, se anëtarët e KLP-se sidomos ata te zgjedhur nga prokuroret duan te promovojnë vetëm atë me te cilët kane punuar (shok e shoqe) pranë njësive te task-forcave apo edhe krimeve te renda! Duke pare dhe gjykuar këto vendimmarrje te anëtareve te KLP-se mendoj se ky institucion i “pavarur” nuk e ka nisur siç duhet punën e tij, duke u bere pengese qe ne fillim për një reformim te institucionit te akuzës! Veç kësaj duke pare edhe emrat qe janë ne këtë këshillë, disa prej tyre te konsumuar prej vitesh me detyrat qe kane mbajtur dhe nuk pres te shkëlqejnë tani apo te rregullojnë këtë sistem! Por jo vetëm këta anëtarë te KLP-se por edhe disa nga kandidatet për ne SPAK, për te cilët do te bej një skanim ne ditët ne vazhdim, lënë shume për te dëshiruar sidomos për te kaluarën e tyre korruptive apo edhe për aspektin profesional!
#Mos_mbyllni_dyert#
