Reforma në drejtësi dhe vettingu kanë dhënë rezultatet e para, ndërsa kujtojmë këtu se Komisioni i Pavarur i Kulaifikmit vendosi të shkarkojë nga posti gjyqtarin e parë në Kushtetuese. Bëhet fjalë për anëtarin Gjykatës Kushtetuese, Fatos Lulo, i cili nuk justifikoi një pjesë të madhe të pasurisë së tij.
Avokati i Lulos e konsideroi të pabazuar vendimin, por shtoi se ai do të ankimojë atë sërish. Ish-ministri i Jashtëm Besnik Mustafaj kam komentuar veprimet dhe rezultatet e para, ndërkohë shprehur edhe shqetësimet për këtë proces. Ai shkoi më tej duke thënë se nëse do të ketë dorë Rama në këtë proces, do të shikohen shumë “kurbanë” të tjerë.
“Unë shpreh shqetësime, sepse nëse ky proces ndiqet thjeshtë me standarde pulitane, pulitanizmi nuk prodhon realisht një sistem funksionues. Pulitanët për mendimin tim janë njerëz dyshues në shumë aspekte, por unë shpresoj që institucionet e reja në sajë të Vettingut do të jenë të drejta. Unë njoh shumë mirë profilin njerëzor dhe politik të Edi Ramës. Nëse ai do të arrijë të ketë ndikimin e tij në këto institucione do të ketë kurbane. Do ketë të sakrifikuar shumë por nuk do të jenë kurban, njësoj që do të jenë të drejta por me kushtin që Rama të mos ketë ndikim në to. Por duket e vështirë”-tha Mustafaj në “News 24”.
Për ish-ministrin e Jashtëm Besnik Mustafaj, kthimi i Berishës si lider i Partisë Demokratike nuk është një zgjidhje.
“Rikthehemi i Berishës unë mendoj se nuk është zgjidhja, për arsye se ai e ka bërë zgjedhjen e tij. Për arsye se ka njerëz aty që mendojnë se Berisha ësh5të një kapitull i mbyllur. Problemi është se kjo është shenjë e një dëshpërimi të madh.Sfida që ka tani PD është kapërcimi i këtij dëshpërimi. Kapërcimi i këtij do të shoqërohet me bashkimin e disa rrymave”-shtoi Mustafaj.
