Reforma në drejtësi dhe ngritja e komisioneve të “vetingut” pritet të nisin me shpejtësi, ndërsa rezultatet janë ata që do të krijojnë besim dhe bindje në publik. Largimi i Adriatik Llallës ka patur edhe reagime nga politika, por edhe trupa diplomatike e akredituar në vendin tonë.
Pak më herët vetë ambasadori Lu, tha se largimet e para tregojnë se ka filluar të ndihet frika dhe përgjegjësia e gabimeve në sistemin gjyqësor, duke iu referuar edhe rastit “Lalla”. Ndërkohë kryetarja e Delegacionit të Parlamentit Evropian për Stabilizim Asociimit Shqipëri-BE, Monica Macovei tha se presim rezultate konkrete dhe të shpejta nga Vettingu, ndërsa apeloi që të mos ketë vonesa të pajustifikuara.
Gjithashtu Monica Macovei , deklaroi se jo të gjithë mund të luajnë rolin e një gjyqtari apo prokurori profesionist, por sipas saj, është koha të zgjidhen prokurorë të cilët janë të pandikuar nga ndërhyrjet e palëve të treta.
Ndërkohë ajo shtoi se tani ne presim rezultatet konkrete, por nuk harroi t’i referohej edhe largimeve të fundit nga sistemi i drejtësisë, siç ishte ish-kryeprokurori i përgjithshëm Adriatik Llala, duke lënë të kuptohet se tashmë të gjithë po frikësohen nga reforma në Drejtësi.
