Vitore Tusha do të jetë gjyqtarja e radhës e Gjykatës Kushtetuese e cila pasi ka kaluar në filtrat e Vettingut, do jetë në seancë dëgjimore përpara Komisionit të Pavarur të Kualifikimit në datën 4 prill. Mësohet se nga Vettingu ka gjetje për gjyqtaren Tusha ë cilat ngrejnë dyshime lidhur me pasurinë por edhe integritetin profesional.
Tusha pritet të pyetet për burimin e pasurisë së saj por edhe sa i takon pikëpamjeve profesionale për vendimet e marra në disa dosje gjyqësore që ka kaluar në dorë. Pak ditë më parë Vettingu “dogji” gjyqtarin e Gjykatës Kushtetuese Fatos Lulo, i cili nuk justifikonte pasurinë prej rreht 500 mijë dollarë, ndërsa argumenti i tij se ia kishte dhuruar motra nuk u mor në konsideratë nga Komisioni i Pavarur i Kualifikimit.
Pritet që gjyqtari i radhës i cili të kalojë përpara KPK-së të jetë kreu i Gjykatës Kushtetuese Bashkim Dedja.
