Ndërkohë që po vazhdon numërimi i votave me kusht, zyrtarë të Lëvizjes Vetëvendosje, thonë se nga këto vota kanë fituar edhe një deputet.
Kështu ka bërë me dije kreu i komunës së Prishtinës, Shpend Ahmeti, përmes një statusi në llogarinë e tij në Facebook. Ai i ka falënderuar të gjithë ata që kanë votuar me zemër.
“Pas numërimit të votave me kusht, Vetëvendosje arriti në 32 deputetë. Falemnderit! Me zemër”, ka shkruar ai.
Sakaq, zyrtarë të KQZ-së, kanë deklaruar se numërimi i votave me kusht është duke vazhduar. Kanë mbetur edhe më pak se 2 mijë vota për tu numëruar, proces që pritet të përmbyllet nesër.
