Aktorja e famshme, Pamela Anderson i ka dhënë fund martesës së saj me producentin, Jon Peters, vetëm 12 ditë pas kurorëzimit të tyre.
Dyshja e njohur u martuan në një ceremoni private më 20 janar. Të pranishëm në ceremoni ishin dy djemtë e Anderson dhe tri vajzat e Peters.
“Do t’ju ishim mirënjohës nëse na mbështesni teksa marrim pak kohë për të rivlerësuar atë çfarë duam nga jeta dhe nga njëri-tjetri. Jeta është një udhëtim dhe dashuria është një proces. Me këtë të vërtetë universale në mendje, ne kemi vendosur bashkërisht të mos e formalizojmë martesën. Faleminderit që respektoni privatësinë tonë”, tha Anderson në një deklaratë për The Hollywood Reporter.
Mediat e huaja raportojnë se pavarësisht ceremonisë martesore, ata nuk kanë firmosur një dokument. Kështu ata duket se i kanë shmangur njëri-tjetrit edhe procedurat e divorcit.
Kjo ishte dasma e pestë e aktores dhe e producentit Peters.
