Një i ri shqiptar është lënë në burg, për një sërë vjedhjesh, pasi është kthyer sërish në Britani. Gjatë momentit të arrestimit ai është kapur me një orë të shtrenjtë në dorë, të cilën e kishte vjedhur. Bëhet fjalë për të riu, Dorian Puka, 23 vjeç, i cili u dënua fillimisht me 9 muaj në vitin 2016 dhe më pas u dëbua, pasi u kap në përpjekje për të hyrë në një pronë, ndërkohë që të zotët e shtëpisë ishin me pushime në Francë.
Ishte David Pearce mori në telefon fqinjin e tij pasi pa shqiptarin dhe një person tjetër nëpërmjet kamerave teksa po përpiqeshin të hynin në shtëpinë e tij në Tëickenham, në jug perëndim të Londrës. 
Sipas Daily Mail njëri prej autorëve u arratis në një BMË, por Puka u arrestua duke u fshehur në një shkurre afër pronës në Gusht 2015.
Ndërsa, Gjykata e Isleëorth Croën, e ka dënuar shqiptarin me 9 muaj burg në Janar 2016. Gjykatësi urdhëroi dëbimin e tij, që ndodhi në Nëntor të vitit 2016. Por brenda 12 muajsh, Puka u rikthye në Britani dhe jetonte ilegalisht në Greenford.
Më 16 Nëntor, vitin e kaluar policia po patrullonte në jug-perëndim të Londrës, kur ata ndaluan Pukën në rrugë dhe e kapën atë me një orë të shtrenjtë që kishte vjedhur.
Puka pranoi dy akuza për vjedhje në gjykatën Kingston Croën më 15 Dhjetor dhe dënua me 2 vjet e gjysmë në një seancë të mëvonshme në të njëjtën gjykatë.
Gjëja më e çuditshme në këtë ngjarje, është: si arriti ai të kthehej përsëri në Britani. Ekspertët thanë se duhet të ekzistojnë disa të dhëna për personat e dëbuar, por mesa duket kjo nuk funksionon në Shqipëri. Ai mbase mori një avion dhe u nis me pasaportën e tij, por askush nuk e vuri re, shkruan DailyMail.
