Liverpool ia doli që të ruante rrugën e fitoreve edhe pse përballë kishte një kundërshtar të fortë si Tottenham dhe sfida luhej në “Wembley”. Por një humbje e madh ishte ajo e Firminos i cili u detyrua të lërë fushën e lojës pas një dëmtimi të rëndë në sy.
Braziliani la fushën pas përplasjes me mbrojtësin e Tottenham, Jan Vertonghen. Firmino nuk mund të vazhdonte më të luante pas asaj goditje të pësuar në fytyrë. Dora e Vertonghen gjakosi fytyrën e Firminho, pasi një gisht iu ngul në sy brazilianit. Për pasojë golashënuesi i Liverpool bëri me shenjë se nuk mund të vijonte më.
Me të vërtet ishte një moment i tmerrshëm kur Vertonghen i nguli gishtin në sy brazilianit, por tashmë sulmuesi i ka qetësuar tifozët nëpërmjet një postimi në profilin e tij “Instagram” ku shkruan: “Ishte thjesht frikë, syri im është “OK” dhe unë gjithashtu. Faleminderit të gjithëve për mbështetjen dhe do shihemi së shpejti”. Kujtojmë që Liverpool regjistroi fitoren e pestë radhazi në Premier League.
Një episod i tmerrshëm ai i dëmtimit të Firminhos, që ka ngjallur reagimin e ashpër në kampin e Liverpool.Vertonghen nuk u ndëshkua për atë goditje ndaj Firmino. Të acaruar për veprimin e Vertonghen, tifozët e kuq kërkojnë dënim të ashpër ndaj mbrojtësit të Spursave. Fotot e incidentit janë përdorur dhe kanë qarkulluar në rrjet për të dëshmuar atë gisht të Vertonghen në syrin e Firmino. A ishte i qëllimshëm, a tentoi vërtetë belgu që të ngulte gishtin e tij në syrin e brazilianit?
