Qeveria gjermane konfirmoi ditën e sotme se Alexei Navalny, kritiku i Putinit, ishte helmuar me një agjent nervor të quajtur Noviçok.
Merkel ka reaguar pas këtij lajmi, të cilin e ka cilësuar shokues dhe ka kërkuar përgjigje nga qeveria ruse.
“Është një informacion shokues helmimi i tij. Kjo tregon se Alexei Navalny është viktimë e një krimi. Ishte një përpjekje për ta bërë atë të heshtë. Unë e dënoj me forcë këtë veprim në emër të qeverisë gjermane. Ka shumë pyetje serioze të cilave tashmë vetëm qeveria ruse mund t’u përgjigjet dhe duhet t’u përgjigjet”, tha Merkel.
Spitali “Charité” në Berlin, aty ku disidenti po trajtohet, konfirmoi helmimin dhe tha se gjendja e tij po përmirësohet, ndonëse mbetet situatë serioze.
