Këtë vit, Vera Grabocka do të jetë regjisore e festivalit, ndërsa Zhani Çiko pjesë e jurisë për përzgjedhjen e këngëve pjesëmarrëse në Festivalin e Këngës, në RTSH. Pak ditë më parë, kompozitorja Diana Ziu dhe aktori Vangjel Toçe i dërguan regjisores Vera Grabocka një letër publike, pasi u është refuzuar pjesmarrja në Festivalin e Këngës. Diana Ziu shprehet në letër se ka zbuluar nga kolegët e Vera Grabockës, se janë dy persona që lakohen se do të jenë fitueset e këtij festivali, njëri prej tyre është këngëtarja Elvana Gjata.
Ajo ishte e ftuar në studion e “Ftesë në 5”, ku listoi të gjitha arsyet e reagimeve kundër “lojës së pistë” që sipas saj, po bëhet në Festivalin e Këngës.
Pasi iu refuzua pjesëmarrja në Festivalin e 58-të, Diana tregoi se nuk mori asnjë përgjigje që argumentonte këtë vendim.
“Marko Strazimiri do futet në festival, sepse e do populli…janë 40 mijë klikime. Festivali le të fillojë nga fillimi, të bëjnë çfarë të duan… për këtë vit do futet se s’bën.
Është populli që do vendosë, jo juria. Juria të japë dorëheqjen që në këtë moment që po flas unë me ty. Të iki kjo juri, Vera Grabocka të shkojë në shtëpi. Zhani Ciko të shkojë në shtëpi, se më janë ngritur nervat e ky djalë të shkojë të fitojë”, përfundoi ajo.
