Një 56-vjeçar shqiptar, i cili kishte marrë një urdhër dëbimi nga ana e autoriteteve italiane ka kundërshtuar policinë duke kërcënuar dhe do të vetëvritej, por është shpëtuar nga karabinierët, shkruan lamartesana.it.
Episodi ndodhi dje në Chignolo d’Isola. Shqiptari 56 vjeçar, duke bërë rezistencë dhe duke kundërshtuar dëbimin, kishte vendosur një thikë të madhe në fyt.
Pasi u mobilizua nga karabinierët, shqiptari u transportua në spitalin e Papa Giovanni në Bergamo dhe akuzohet për rezistencë ndaj policisë dhe posedimin e lëndëve narkotike.
Policia dje mbeti e befasuar kur u përball më skenën e frikshme në Chignolo d’Isola, ku për orë të tëra shqiptari kërcënonte se do vetëvritej. Policia kishte shkuar në shtëpinë e njeriut për të ekzekutuar urdhrin e dëbimit të lëshuar nga përmbaruesi, por i huaji bëri rezistencë ndaj policisë.
Kërcënimet me vetëvrasjes me një thikë të madhe: Në sytë e karabinierëve që mbërritën për dëbim, njeriu kishte marrë një thikë të madhe në dorë rreth 30 cm dhe vuri në fyt, dhe kërcënonte se do të vetëvritej.
Pas orësh të tëra “negociata” gjatë të cilave 56 vjeçari dukej se nuk donte ta braktiste qëllimin e tij, karabinierët arritën të çarmatosnin dhe ta ndalonin atë.
Trajtimi dhe ankesa: Shqiptari u transportua në spitalin Papa Giovanni XXIII në Bergamo, ku iu nënshtrua kontrolleve shëndetësore. Për shkak të ankesës së policisë, për rezistencë ndaj një zyrtari publik dhe posedimin e lëndëve narkotike, ndaj tij pritet të merret një vendim nga ana e prokurorisë./TIRANA TODAY/
