Presidenti i La Liga-s, Javier Tebas, është shprehur i befasuar nga vendimi i marrë së fundmi nga Gjykata e Arbitrazhit Sportiv (CAS).
Kjo e fundit vendosi t’ia heqë Manchester City-t pezullimin 2-vjeçar nga kompeticionet evropiane. Gjithashtu dënimi tjetër i UEFA-s me gjobë u ul nga 30 milionë euro në 10 milionë euro.
“Ne do të duhet të mendojmë nëse CAS është organi i duhur për të apeluar vendimet e institucioneve të futbollit. Zvicra është një vend me një reputacion të madh në botën e arbitrazhit, por CAS nuk është në detyrë”, tha ai.
Ky është pozicioni i presidentit të La Liga-s karshi klubit të Pep Guardiolës, pronari i të cilit është akuzuar në shumë raste për shkeljen e “fair play financiar”.
