Këshilli i Ministrave ka vendosur që data 3 janar, e cila i takon që të jetë e premte, është shpallur me VKM si ditë pushimi.
Datat 1 dhe 2 për administratën shtetërore janë pushim për shkak të festave. Meqenëse data 3 janar i bie ditë e premte, atëherë punonjësit e administratës do të përfitojnë një ditë më shumë.
Dita e premte që u caktua pushim do të zëvendësohet brenda muajit janar.
Ndërkohë, do të përfitojnë bursë në masën 15 mijë lekë në muaj nxënësit që ndjekin arsimin parauniversitar dhe arsimin e mesëm profesional në institucionet arsimore publike, anëtarë të familjes së personave që kanë humbur jetën ose janë shpallur të zhdukur në qarqet Durrës, Tiranë dhe Lezhë, si pasojë e tërmetit të 26 nëntorit.
V E N D I MI:
PËR CAKTIMIN E DITËS SË PREMTE, DATË 3.1.2020, DITË PUSHIMI
Në mbështetje të neneve 95, pika 2, dhe 100, të Kushtetutës, me propozimin e Kryeministrit, Këshilli i Ministrave
V E N D O S I:
Caktimin e ditës së premte, datë 3.1.2020, ditë pushimi për punonjësit e administratës shtetërore.
Dita e punës e datës 3.1.2020 do të zëvendësohet në një nga ditët e pushimit brenda muajit janar.
Ngarkohen institucionet e administratës shtetërore për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
