Aktori i njohur i skenës shqiptare, Erion Isai, njëherësh dhe drejtor i Teatrit të Kukullave është liruar nga detyra, kjo me vendim të Këshillit të Ministrave.
Isai është liruar nga detyra, pasi ka shpallur kandidaturën për kryebashkiak të Kolonjës në zgjedhjet që do të mbahen në 30 qershor, nën siglën e Partisë Socialiste.
‘Në mbështetje të nenit 100 të Kushtetutës dhe të pikës 4, të nenit 9, të ligjit nr.10352, datë 18.11.2010, ‘Për artin dhe kulturën’, të ndryshuar, me propozimin e ministrit të Kulturës, Këshilli i Ministrave
V E N D O S I:
Erion Isai, Drejtor i Qendrës Kombëtare tё Kulturës pёr Fëmijë dhe Teatrit tё Kukullave, të lirohet nga kjo detyrë. Ky vendim hyn në fuqi menjëherë, thuhet në vendimin e Këshillit të Ministrave.
