Elisa Spiropali është një nga ministret më të reja të kabinetit Rama 2, teksa u zgjodh ministre për Marrëdhëniet me Parlamentin.
Një ditë pas emërimit, Spiropali ka folur për emisionin «JAVA» në RTSH, ku ka treguar se ky vendim ishte totalisht surprizë për të.
Sa i takon përzgjedhjes së ministrave gjatë ditës së djeshme, Spiropali u shpreh se Rama është konsultuar paraprakisht, por vendimi ka qenë plotësisht i tij.
E dinit në mëngjes çfarë do të ndodhte me qeverinë?
“Nuk e dija as unë, as persona të tjerë besoj. Mund të quhet një diskrecion i kryeministrit, pasi është konsultuar me shumë, por emrat i vendosi Rama.
Kur ju më telefonuat unë isha në makinë duke shkuar në Asamble, nuk e kisha këtë dijeni,” u përgjigj Spiropali.
