Përmes një statusi në “twitter” kryeministri Edi Rama shprehet se në Samitin e BE të zhvilluar një ditë më parë kanë marrë fund edhe aludimet për ngritjen e një kampi refugjatësh në Shqipëri.
“Dje Samiti i BE për krizën e refugjatëve shpoi tullumbacen gjigande të Lajmit të Rremë pêr Kampin në Shqipëri!Ky lajm i prodhuar dhe propaganduar nga esadistët e rinj të Shqipërisë në politikë e media,s’ka asnjë lidhje me planet e BE për refugjatët.Mos t’ua harrojmë këtë turp”, shkruan Rama në Tëitter.
Përgjatë javës së shkuar kryeministri është shprehur disa herë për këtë cështje, duke e cilësuar lajmin për ngritjen e kampeve të refugjatëve nga vendet e lindjes së mesme si të rremë.
Ndërsa pas reagimit të Ramës ka pasur një sërë komentesh në profilin e tij në “Facebook”, ku qytetarët i shkruajë dhe shpresojnë që ky lajm të jetë i vërtetë. Por ka edhe nga ana që solidarizohen dhe reagojë duke u shprehur se populli shqiptar ka që pas vite 1990 që emigron dhe që janë mik pritur ndaj edhe ata duhen mikë pritur.
Por ka edhe nga ata që vëmendjen e kanë tek çelja e negociatave ku i shkruajnë Ramës se në raundin final mund të humbasë dhe se vendi mund të rrezikojë të shkojë në zgjedhje të parakohshme.
