Historia fillon në 2003-shin, kur vëllezërit Font, nga Girona, Spanjë, blenë pikturën “Portreti i Antonio Maria Esquivel” (Retrato de Antonio María Esquivel), atribuar penelit të Francisco de Goya (Fransisko de Goja). Blerja u bë në një ankand i cili lëshoi një certifikatë autenticiteti për pikturën. Sidoqoftë, pasi dyshonin, vëllezërit vendosën të paraqisnin kuadron për inspektim.
Piktura shfaq artistin spanjoll Antonio Maria Esquivel, me medaljen e ‘Urdhrit’ nga Isabella ‘Katolikja’. Pikërisht këtu filluan dyshimet. Ekzaminimi tregoi se imazhi nuk mund të pikturohej nga Goya, sepse Esquivel e mori çmimin 11 vjet pas vdekjes së Francisco de Goya. Pasi morën këtë lajm llahtarisës, vëllezërit Font vendosën të heqin qafe veprën e artit duke përdorur pikërisht certifikatën e vërtetësisë që ishte zhvlerësuar më parë. Kush do të ishte viktima?
Një sheik arab, duke operuar përmes ndërmjetësve, ishte gati të paguante një shumë të majme për pikturën, plot 4 milion euro. Transaksioni u zhvillua në Torino, Itali, ku mashtruesit morën një depozitë prej 1,1 milion eurosh. Në të njëjtën kohë, mashtruesit ranë dakord t’i paguanin tarifat e ndërmjetësimit për transaksionin përfaqësuesve të sheikut, që arrinte shifrën e 300,000 eurove.
Por kur menduan se ia hodhën, zhgënjimi i rradhës u erdhi vëllezërve në Gjenevë kur shkuan të kthejnë të paratë në bankë. Të gjitha kartëmonedhat rezaultuan falsifikime të realizuara mjeshtërisht, fotokopje. Vëllezërit u arrestuan, kuadroja u sekuestrua ndërsa fati i 300,000 eurove dhe identiteti i sheikut janë ende të panjohura./ Tirana Today
