Presidenti serb Aleksandër Vuçiç ka komentuar sot deklaratën e bërë nga Presidentja kroate Kolinda Grabar Kitaroviç, e cila ka thënë se: “Shqipëria ishte miku i Kroacisë, atëherë kur miqtë ishin të paktë”.
Ai gjithashtu vuri në dukje se deklarata të tilla tregojnë se këta shtete nuk e duan progresin e Serbisë. Në të njëjtën kohë, ai ka theksuar se Serbia nuk ka nevojë për vëllezër, por për miq.
“Urime për deklaratën. Ne nuk kemi nevojë për vëllezër, por për miq. Le të përballojmë atë, do të shohim se po e përparojmë ekonomikisht. Dhe sa i përket armëve, disa duket se jetojnë në të kaluarën. Nëse dikush mendon se duhet të kem frikë të veçantë për këtë, nuk më frikëson aspak”,- ka thënë sot Vuçiç.
Ai më tej shtoi se: “Se sa persona kanë humbur jetën për Kroacisë, nuk më intereson as mua dhe as Serbisë. Ne bëjmë punën tonë, të kemi sa më shumë fëmijë të zgjuar, të cilët të shohin për të ardhmen,”- tha Vuçiç.
Ndërsa mediat serbe e kanë interpretuar deklaratë e bërë nga Presidentja kroate, duke shkruar se ajo ka thënë se kroatët dhe shqiptarët janë “vëllezër të armëve”.
“Ata i ishim fjalë për fjalë vëllezër të armatosur, para se të bashkoheshim në NATO në vitin 2009. Shumë shqiptarë sakrifikuan jetën e tyre për Kroacinë. Më besoni – Kroacia nuk do ta harrojë këtë”,-ka deklaruar Predidentja, duke folur për shqiptarët që kanë luftuar për lirinë e Kroacisë.
Por, gjatë vizitës së saj në vendin tonë Presidentja kroate evidentoi miqësinë shqiptaro-kroate në fjalën e saj dhe tha se diskutimi i sotëm lidhet me forcimin e bashkëpunimit mes dy vendeve.
“Shqipëria ishte miku i Kroacisë, atëherë kur miqtë ishin të paktë. Dialogu ynë ka lindur që në vitet e para të pavarësisë tonë dhe ne sot diskutuam për të fuqizuar edhe më tej bashkëpunimin mes dy vendeve. Në 18 mijë shqiptarë që jetojnë në Kroaci, 2500 prej tyre ishin vullnetarë në luftë dhe disa humbën jetën e të tjerë u zhdukën”, deklaroi Kitaroviç.
Ndërsa një ditë më parë, ajo mbajti edhe një fjalim në Kuvendin shqiptarë ku edhe një herë u shpreh se: ““Shumë shqiptarë sakrifikuan jetën e tyre për Kroacinë dhe ne nuk harrojmë.
“Hapja e ambasadës kroate në Tiranë në vitin 1994 ishte një ngjarje e madhe për marrëdhëniet mes dy vendeve. Tani, Kroacia dhe Shqipëria marrin pjesë bashkë në operacionet në Afganistan. Kroacia e mbështet fuqishëm perspektivën evropiane të Shqipërisë, rrugën drejt integrimit në BE dhe mirëpret progresin e bërë nga Shqipëria”.
Burimi: espreso.rs
Përshtati: Tirana Today
