Paulo Dybala është duke kaluar një moment mjaft të vështirë tek Juventusi, ku është hequr nga lista e të preferuarve të Allegrit. U bënë disa javë rresht që ai nuk e starton një sfidë dhe për mediat italiane kjo ka një shpjegim. Që nga momenti që Dybala ndërroi agjent, ku at pozicion e mori i vëllai i tij Mariano, gjërat ndryshuan edhe për Paulon te ekipi italian.
Mësohet se para pak muajsh, Mariano ka bërë një udhëtim në Paris dhe kjo ka bërë që të krisen marrëdhëniet mes tyre. Pretendohet që ai të ketë pasur një takim me gjigantët e PSG dhe u ka ofruar shërbimet e të vëllait, transferim i cili në verë mund të bëhet pa shumë vështirësi.
Kjo arsye ka bërë që stafi teknik i Juventusit të mbajë një qëndrim tjetër ndaj argjentinasit, por edhe Allegri të humbë besimin tek ai. Dybala që pas këtyre kontakteve duket se nuk ka qenë i përkushtuar maksimalisht në stërvitje dhe kjo ka bërë që të humbë edhe formën e tij.
