Një gomone 7 metër e gjatë me dy motorë të fuqishëm, e ngarkuar me kanabis, por që po digjej nga flakët në det, është bllokuar nga Policia Kufitare në orët e para të së dielës, në fshatin Rrjoll të Velipojës, në zonën bregdetare tek “Rana e Hedhun”.
Trafikantët janë larguar duke e lënë në zjarr gomonen.
Dyshohet se trafikantët e kanë kuptuar se janë diktuar nga policia dhe kanë devijuar rrugën dhe më pas i kanë vënë vetë flakën gomones me kanabis.
Dyshohet se trafikantët të jenë qenë dy persona që janë larguar në rrugë tokësore.
Policia ka sekuestruar një sasi të lëndës narkotike dhe gomonen e djegur në cilësinë e provës materiale dhe është duke punuar për identifikimin dhe kapjen e autorëve, sakaq, policia akoma nuk ka dalë me informacion zyrtarë rreth çështjes.
