Kryetari i Bashkisë së Tiranës Erion Veliaj, ka deklaruar se godina e Teatrit Kombëtar do të shembet. Teksa ka folur në emisionin “Opinion” në Tv Klan, Veliaj tha se godina aktuale nuk ka asnjë vlerë monumentale pasi është amortizuar e tëra.
Sipas Veliajt, azbesti dhe materialet e vjetra me të cilat është ndërtuar godina, ka ndikuar negativisht në shëndetin e aktorëve. Ai tha se nëse do të vijojmë me këtë trend, rrezikohen aktorët të preken nga kanceri. Ndërkohë Veliaj shtoi se shumë aktorë janë larguar nga jeta për shkak të materialeve të kësaj godine.
“Është një anglomerat fibrash vegjetale, etj, etj. Sot jemi në një situatë që ky Teatër ka sëmurë aktorët tanë me kancer. E keni vrarë mendjen përse gjithë ata aktorë kanë ikur nga jeta nga kjo sëmundje.Ajo ka në përbërje të saj edhe asbest i cili siç dihet është një material që shkakton kancer. Kjo godinë nuk asnjë vlerë monumentale. E kemi këtë edhe nga raporti i ekspertëve i bërë që kur ishte Lulzim Basha kryetar Bashkie i Tiranës”-deklaroi Veliaj.
