Kryebashkiaku i Tiranës, Erion Veliaj tha sonte se “Teatri i ri që do të ndërtohet në Tiranë nuk do të ketë kullë”. Veliaj dha garancinë pas debatit të ditëve të fundit nga komuniteti i aktorëve. Veliaj u shpreh se në vendin që Teatri Kombëtar ndodhet sot, do të ndërtohet një i ri shumë shpejt, por pa kullë.
“Tirana do të ketë një Teatër Kombëtar modern, pa kullë në vendin ku është teatri sot. Do të jetë ndër më të mirët në Europë. Por si cdo projekt, duhet durim’ deklaroi ai. Artistët ditët e fundit kanë protestuar duke kundërshtuar largimin nga godina e sotme e Teatrit Kombëtar dhe zhvendosjen te ‘Turbina’ si edhe kërkuan sqarime dhe transparencë për projektin e teatrit të ri.
Por, kryebashkiaku Veliaj sqaroi gjithçka duke qartësuar të gjithë aktorët se teatri i ri që do të ndërtohet nuk do të ketë kullë.
