Bashkia e Tiranës, do të duhet të dëmshpërbleje me 2.5 milionë lekë shtetasin Agron Cara, pasi Gjykata Adminsitrative e Tiranës, e shpalli fajtore këtë institucion, për dëm moral të pësuar nga diskriminimi ndaj tij.
Në një intervistë për Fax News, Cura u shpreh se se policët e bashkisë ia morën karrocën me forcë, me të gjitha plehrat që ai i kishte grumbullluar, për të nxjerrë sadopak fitim.
Cara tha se me të njëjtën mënyrë kanë vepruar edhe me persona të tjerë që bëjnë të njëjtën punë si ai për të siguruar jetesën. Ai jeton me qera, teksa shtoi se është me tumor, dhe bashkëshorten e ka të sëmurë.
“Ma morën karrocën, asgje s’më thanë, mi morën me zor me gjithë mall. Edhe të tjerëve si puna ime ua kanë marrë dhe me siguri i kanë shitur me gjithë mall, ata gjithçka ma morën. Unë jetoj me qira , kam fëmijë për të rritur dhe nuk kam si të siguroj jetesën përvec së më atë karrocë që marr e mundohem të shes. Vetë jam më tumor dhe gruan e kam të sëmurë.”, tha ai.
Policia Bashkiake e gjeti Curën duke transportuar mbeturina me biçikletën e tij në Bulevardin Zogu i Parë në Tiranë dhe vendosi t’ia sekuestrojë biçikletën si dhe mbeturinat, pasi sipas tyre, plehrat ‘janë pronë shtetërore’.
Cura pretendoi diskriminim pasi sipas tij, mbeturinat në fjalë, materiale gipsi, ia kishte falur pronari i një dyqani që po bënte rikonstruksion në zonën e Komunës së Parisit dhe se sekuestrimi i mbeturinave dhe i biçikletës nën supozimin se ato janë vjedhur nga ndonjë kazan mbeturinash bashkiake, bazohej thjeshtë në paragjykimin e tij si qytetar rom.
