Ministri i Brendshëm, Sandër Lleshaj i është përgjigjur akuzave të kryedemokratit Basha, teksa pak më parë ky i fundit e cilësoi si “vegla e ftohtë dhe më e pashpirt e Ramës”.
Në një postim në Twitter, Lleshaj shkruan se Basha vazhdon të hedhë natën zjarr dhe ditën kërcënime kundër shkollave e policisë.
Më tej, ministri i kujton Bashës se ai është thjesht “një i pandehur i shumëfishtë”.
Postimi i Lleshajt në Twitter:
Lulzim Basha vazhdon të hedhë natën zjarr dhe ditën kërcënime kundër shkollave, zgjedhjeve, policisë etj.
Natën bëhet guerrilas dhe ditën prokuror, ndërkohë që është thjesht një i pandehur i shumëfishtë. Keqardhje për degradimin.
