Zbulohet kombësia e 39 viktimave të cilët u gjendën të ngrirë brenda kamionit që ishte nisur për në Angli.
Sipas mediave britanike, viktimat janë të nacionalitetit kinez ndërsa nuk dihet ende se çfarë ka ndodhur me emigrantët, mes të cilëve ndodhej edhe një adoleshent.
Hetuesit britanikë po përpiqen të zbulojnë itinerarin dhe si përfunduan në trajlerin frigorifer duke humbur jetën. Oficerët në Irlandën Veriore kanë bastisur dy shtëpi dhe Agjencia Kombëtare e Krimit tha se po punonte për të identifikuar “grupet e krimit të organizuar që mund të kenë pasur rol”.
Kufomat në kontejner u zbuluan nga stafi i ambulancës në orët e para të mëngjesit të së mërkurës, në Parkun Industrial Waterglade në Grays. Kamioni u largua nga porti në Purfleet menjëherë pas orës 01:05. Policia tha që pjesa e përparme e kamionit vinte nga Irlanda Veriore dhe merrte rimorkion nga Purfleet.
Policia ka ndaluar deri tani shoferin e kamionit, një 25-vjeçar irlandez.
