Presidenti i SHBA-ve, Donald Trump, ka dhënë një deklaratë për mediat ku ka konfirmuar vdekjen e një prej njerëzve më të rrezikshëm të terrorizmit, Abu Bekir Al-Bagdadi.
Sipas mediave amerikane, lideri i ISIS vrau veten duke shpërthyer një jelek me bomba gjatë operacionit të marinsave amerikanë në banesën e tij në Idlib të Sirisë
“Mbrëmjen e kaluar, numri 1 i terrorizmit global është sjellë para drejtësisë. Vdiq si qen, si frikacak!”, tha Trump.
Në deklaratën e tij, presidenti i SHBA-së tregoi se operacioni ushtarak zgjati dy orë, teksa theksoi se asnjë pjesëtar i forcave të Marinës Amerikane nuk ka humbur jetën, ndërsa janë shpëtuar 11 fëmijë që ndodheshin në banesë.
