Alies ndërroi jetë në më pak se një vit pasi dha dorëheqjen nga kanali televiziv i themeluar prej tij dhe kur akuzohej për ngacmim seksual.
“Roger Ailes ndërroi jetë në moshën 77 vjeçare”, deklaron bashkëshortja e tij.
Vdekja e themeluesit dhe ish-drejtorit ekzekutiv së Fox News vjen në më pak se një vit pasi ai dha dorëheqjen nga kompania lidhur me akuzat për ngacmim seksual.
Gruaja e tij Elizabeth, me të cilën ai kishte një djalë, lëshoi deklaratën e mëposhtme për Matt Drudge:
“Jam thellësisht e trishtuar dhe e pikëlluar t’ju lajmëroj që im shoq, Roger Ailes, vdiq këtë mëngjes. Roger ishte një bashkëshort i dashur për mua, dhe një baba i mirë për djalin e tij Zachary, si dhe një mik besnik për shumë njerëz.
Ai ishte gjithashtu një patriot, thellësisht i kënaqur që jetoi në një vend i cili i dha mundësinë të punonte fort, për t’u rritur dhe për t’ia shpërblyer vendit të tij .
Gjatë një karriere që zgjati më shumë se pesë dekada, puna e tij si artist , si politikan dhe pastaj si gazetar ndikoi në jetën e mijëra personave”
Kështu më shumë se të vajtoj për vdekjen e tij, dua të kujtoj me buzëqeshje jetën e mbushur që ai pati”
Ende nuk ka informacion mbi shkakun e vdekjes së Ailes.
