Ndahet nga jeta në moshën 65-vjeçare, Paul Allen, i cili bashkëthemeloi kompaninë e teknologjisë Microsoft. Mediat e huaja raportojnë se vetëm dy javë më parë, ai njoftoi se i është kthyer sëmundja e kancerit, të cilën e ka trajtuar në vitin 2009.
Bashkëthemeluesi i Microsoft-it, Bill Gates, u shpreh: “Unë jam i hidhëruar nga vdekja e një prej miqve më të vjetër dhe më të dashur… Kompjuteri nuk do të kishte ekzistuar pa të”.
Në një deklaratë që konfirmonte vdekjen e tij të hënën pasdite, motra e tij Jody e përshkroi biznesmenin si një “individ të shquar në çdo nivel”.
Biznesmeni e krijoi pasurinë e tij së bashku me mikun e shkollës Bill Gates. Ata bashkëthemeluan gjigantin e teknologjisë Microsoft, në vitin 1975.
