Gazetari investigativ, Elton Qyno ka dhënë detaje në lidhje me vdekjen misteroize të 23-vjeçares Evgjeni Baxho, dhe ka treguar aryset se përse kjo çështje, po hetohet si vrasje.
Në emisionin ”Open” në Top Channel, Qyno deklaroi se është e pamundur që simbolet në shpinën e viktimës, të jenë kryer nga vetë ajo, dhe këtu ekziston mundësia se dikush tjetër ka qenë me të.
Qyno u shpreh se ende nuk dihet se me kë ka qenë viktima në momentet e fundit, dhe kjo çështje po hetohet si një vrasje e mundshme, pavarësisht se deri më tani, nuk ka një autor.
Sipas Qynos, dyshohet Baxho ka humbur jetën nga tromboza në tru, por shkrimet në trupin e saj shtuan dyshimet se ka diçka më shumë, pasi simbolet kanë një lloj interpretimi që tregojnë fuqinë, dhe sakrifikimin e vetë personit.
Elton Qyno: ”Ka pasur një infeksion në dhëmballë ose bajame. Tromboza në tru dyshohet të jetë shkaktuar nga temperatura e lartë dhe kur e ka pasur dyshohet se i është nënshtruar një vetësakrifikimi duke mos komunikuar me njerëzit e saj dhe i ka hyrë këtij rituali duke vizatuar ato simbole në trupin e saj. Ato simbole janë vizatuar, por kush ia ka vizatuar në shpinën e saj? Që këtu ka lindur dyshimi se kush është personi pasi teknikisht është e pamundur që një person të vizatojë në kurriz simbole të qarta. Që këtu është pika që kanë nisur të dyshojnë se ka qenë me dikë tjetër në shtëpi dhe i ka vizatuar simbole në kurriz.
Nga ato që kemi lexuar në internet, simbolet kanë një lloj interpretimi që tregojnë fuqinë, sakrifikimin e vetë personit. Nuk e dimë në çfarë gjendje ka qenë vajza dhe me kë ka qenë në momentet e fundit. Është një hetim që po hetohet si vrasje e mundshme, pavarësisht se nuk kemi autor. Kemi një sërë veprimesh, kamerash në zonën ku rrinte vajza me shpresën se mund të identifikohet personi apo rrethi shoqëror i saj, por deri tani kemi dyzim të policisë për të dhënë version të qartë. Janë shkrime që janë bërë me lapostil që thahet shpejt. Kur janë gjendur në trup, është krijuar bindje se janë shkruar në një kohë të shpejtë, por nuk dihet me saktësi se nuk e dimë cilat janë shkaqet shëndetësore që kanë çuar në vrasjen e vajzës.”
