Familja Beqiraj ka hapur sot dyert e mortit, pas lajmit të kobshëm për vdekjen e të birit, si pasojë e heqjes së aparaturave. E ëma e Florencit, Laureta Beqiraj dhe gjyshja e tij Fife Rexha kanë reaguar pas ndarjes nga jeta të Florencit në Francë.
Mes lotësh, nëna e Florencit shprehet se ka dyshime që i biri është vrarë nga policia franceze ose nga të burgosurit. Hera e fundit kur ajo ka folur me të birin, ishte data 8 dhjetor. Më pas, familjarët kanë folur një herë me një polic të burgut, i cili ka thënë se Florenci ka shkuar i dhunuar ne spital.
Nëna e Florencit ka bërë një tjetër deklaratë rrëqethëse, teksa është shprehur se burri i saj e ka gjetur djalin të dhunuar në spital, me tela në mish.
Familjarët kanë dyshime se mjekët francezë i kanë hequr tubat e oksigjenit, ndërsa edhe gjyshja e tij dyshon se është një vrasje në bashkëpunim mes policisë dhe spitalit për të fshehur ngjarjen.
Familja Beqiri kërkon drejtësi dhe të zbardhet ngjarja si dhe i kanë bërë thirrje Ramës dhe Metës që të ndërhyjnë për sjelljen e trupit në Shqipëri, pasi ata nuk kanë mundësi ekonomike.
