Franca është në krye të listës midis vendeve të BE-së në drejtim të paraburgimit, ndalimit dhe ekstradimit të emigrantëve, denoncojnë shoqatat.
Në vitin 2017, 304 fëmijë emigrantë u ndaluan; më shumë se gjysma e tyre ishin nën 6 vjeç, ndërsa 20% e tyre ishin nën 2 vjeç. Në vitin 2015, kjo shifër ishte 106, thotë raporti, i cili i përshkruan këto vende si “traumatike”.
Në total, më shumë se 46,800 njerëz u arrestuan vitin e kaluar (duke përfshirë 26,500 në Francën ).
Emigrantët e mbyllur mbahen në kushte “primitive”, thotë raporti. Përveç kësaj, parlamenti francez ka në plan të votojë një amendament që ngre kohëzgjatjen e paraburgimit administrativ nga 45 në 90 ditë, gjë që është “në kundërshtim me vlerat franceze për të drejtat dhe liritë e njeriut”.
Kritika e ndalimit të fëmijëve emigrantë është rritur në kohët e fundit.
Kohët e fundit, shoqata Cimade ka treguar se temperatura e dhomës në Mesnil-Camelot CRA ishte nën 10 gradë. “Ne kurrë nuk do të harrojmë qasjen tuaj çnjerëzore, z. Collomb,” tha Cimade, Ministrit të Brendshëm Gerard Collomb.
Në dhjetor të vitit 2017, një emigrant 23-vjeçar shqiptar i cili ishte duke pritur për ekstradimin e tij, ndërroi jetë ndërsa ishte në CRA.
Bëhet fjalë për rastin e Florenc Beqiraj i cili ndërroi jetë në një burg në Marsejë të Francës. 23-vjeçari ishte në Francë prej dy vitesh, ku po përpiqej të përfitonte azilin. Shqiptari ra në burg, pasi u ndalua nga policia, e cila e arrestoi për mungesë dokumentacioni. Gjatë qëndrimit prapa hekurave ka ndodhur dhe incidenti që çoi në vdekjen e 23-vjeçarit.
I riu Florenc Beqiraj ra në gjendje kome pas dhunës së ushtruar ndja tij në burgun francez, ku qëndronte pasi ishte kapur nga autoritetet franceze pa dokumente. Ai ndodhej prej dy vitesh në Francë, prej ku po përpiqej të përfitonte azil, por ka mbyllur sytë përgjithmonë, duke u ndarë nga jeta në një moshë tepër të re.
Florenci u gjet i masakruar, me njolla në trup dhe një shenjë teli në fyt. Familja ka hedhur poshtë të gjitha thashethemet se ai mund të ketë tentuar vetëvrasjen. Të afërm të tjerë mendojnë se Florenci është masakruar në burg, nga policia, ose nga të dënuarit e tjerë.
Burimi: trt.net.tr
Përshtati: Tirana Today
