Tre javë pas vdekjes së dy punëtorëve, si pasojë e rrëzimit të skelave të pallatit që ishte në rikonstruksion, policia ka arrestuar pronarin e ‘Skela Syla’.
Shërbimet e policisë të komisariatit nr.1, ekzekutuan urdhrin e ndalimit për shtetasin Petrit Syla, 46 vjeç, banues në Tiranë.
Ndërkohë, mësohet se shërbimet e policisë të komisariatit nr.1, ekzekutuan urdhrin e ndalimit të Prokurorisë për një tjetër shtetas, në lidhje me ngjarjen e ndodhur më datë 16 gusht 2019.
Njoftimi i Policisë së Shtetit:
Shërbimet e policisë të komisariatit nr.1, ekzekutuan urdhrin e ndalimit të Prokurorisë për një tjetër shtetas, në lidhje me ngjarjen e ndodhur më datë 16 gusht 2019, ku në rrugën “Faik Konica”, si rezultat i rrëzimit të skelave të pallatit që ishte në rikonstruksion ndërruan jetë dy punëtorë.
Shërbimet e policisë të Komisariatit të Policisë Nr.1, ekzekutuan urdhrin e ndalimit për shtetasin:
S., 46 vjeç, banues në Tiranë.
Prokuroria e Rrethit Gjyqësor Tiranë ka lëshuar urdhër ndalimi ndaj këtij shtetasi në lidhje me ngjarjen e ndodhur më datë 16 gusht 2019, ku në rrugën “Faik Konica”, si rezultat i rrëzimit të skelave të pallatit që ishte në rikonstruksion ndërruan jetë dy punëtorë.
Materialet iu referuan Prokurorisë për veprime të mëtejshme.