Vdekja e Davide Astorit ka tronditur futbollin italian dhe në mbarë botën. Mediat italiane kanë zbuluar detaje të reja, ku shkruajnë se kanë qenë pikërisht shokët e skuadrës që kanë zbuluar këtë ngjarje.
Mësohet se ai nuk kishte pasur asnjëherë shqetësime të karakterit fizik ndaj askush nuk kishte dyshime që mund t’i ndodhte ndonjë gjë e tillë. Shokët e skuadrës i kishin telefonuan në dhomë dhe duke parë se nuk përgjigjej, u shqetësuan dhe u ngjitën për tek ai.
Kanë qenë vetë lojtarët që kanë shqyer me shkelma derën e dhomës së Astorit duke e gjetur atë të pajetë në shtrat e duke mësuar kësisoj lajmin tragjik. Mendohet se ai kishte pësuar një atak kardiak gjatë natës, por nuk ka arritur të reagojë e të kërkojë ndihmë.
Pas autopsisë, vërtetohet se Astori kishte vdekur nga një sulm në zemër prej shkaqeve natyrore.
“Ideja që kemi është se lojtari ka vdekur nga një sulm në zemër prej shkaqeve natyrore”, tha prokurori i Udineses, Antonio de Nicolo.
“Është e çuditshme që një gjë e tillë t’i ndodh një futbollisti profesionist, i cili monitorohet aq shpesh, pa treguar asnjë shenj”, u shpreh ai në fund. I fundit që kishte qëndruar me Astorin ishte portieri Marco Sportielo, i cili kishte luajtur video lojëra me të.
