Në Vaun e Dejës rreth orës 20:30 njoftohemi se ka ndodhur një plagosje me armë zjarri ku ka mbetur i plagosur shtetasi E. Z, rreth 23 vjeç.
Mësohet se i riu është ushtarak pranë repartit ushtarak në Vau i Dejës, i cili po dërgohet në Spitalin e Traumës Tiranë për trajtim më të specializuar.
Menjëherë kanë mbërritur në vendngjarje shërbimet e Policisë ku sipas deklarimeve të para të marra në vendngjarje, dyshohet se autor i kësaj ngjarje është shtetasi P. Gj, rreth 20 vjeç, banues në Vau i Dejës.
Nga ana jonë u bë shpallja në kërkim dhe po punohet për kapjen e tij.
Janë ngritur pika kontrolli , vijon krehja e zonës me qëllim kapjen e autorit, si dhe grupi hetimor po vijon punën për zbardhjen e plotë të ngjarjes.
