Pasditen e sotme pas dorëheqjes së Petrit Vasilit nga kreu i LSI, po zhvillohet Mblidhja e Konventës Zgjedhore për zgjedhjen e kreut të ri.
Në fjalën e tij ish-kryetari i LSI-së, Vasili deklaroi se vendin e ka shpëtuar pseudodemokracia që vret fatin e mijëra njerëzve dhe që ofron zero shanse për të ardhmen dhe që me paratë e krimit kërkon të blejë edhe larinë.
Vasili me tone të ashpra ka sulmuar qeverinë aktuale duke thënë se është një qeveri e cila nuk i duhet as Bashkimit Evropian.
“Këto vota që mori LSI, janë themelet e betonit të një opozite të vërtetë që i ka munguar këtij vendi, që ka qytetarët të parin dhe jo oligarkët, jo opozitë që flirton me pushtetin arrogant prapa perdes.
Këto janë vota që nuk shiten dhe blihen, duan ta ndërtojnë të ardhmen e vendit këtu në Shqipëri.
Vendin e ka shpëtuar pseudodemokracia që vret fatin e mijëra njerëzve dhe që ofron zero shanse për të ardhmen dhe që me paratë e krimit kërkon të blejë edhe lirinë. Do iu rikthejmë shpresën dhe zërin e 56% të shqiptarëve që duan të largohen nga vendi. 250 mijë vota të LSI-së ishin goditje e fortë për pushtetin e krimit.
Bashkimi Evropian nuk i duhet kjo qeveri e cila nuk zbaton ligjit dhe flak njerëzit nga puna,”-tha Vasili
Si kryetar i LSI, në vend të Vasilit është propozuar Monika Kryemadhi, e cila aktualisht mban postin e zv/kryetares.Ndërsa posti i zv/kryetarit pritet t’i kalojë Luan Ramës. Vasili pritet të drejtojë grupin parlamentar të LSI në Kuvend.
Ilir Meta dha dorëheqjen nga posti i kryetarit të LSI-së pas zgjedhjes President i Republikës, ndërsa pas tij u zgjodh Petrit Vasili kryetar dhe e drejtoi LSI-në për dy muaj.
