Kreu i grupit parlamentar të Lëvizjes Socialiste për Integrim, Petrit Vasili ka theksuar se kryeministri Edi Rama nuk ka kapacitetin e duhur për të qeverisur vendin. Ai e ka cilësuar atë si kryeministrin më shkollëpakët që po drejton vendin.
Duke reaguar mbi ngjarjen e ndodhur paraditen e sotme në Shkodër, ku një mjek u dhunua nga familjarët e një pacienti.
Përmes një postimi në rrjetin social “facebook”, Vasili vë në dukje se vendin e kanë pushtuar fatkeqësitë. Ai sjell në vëmendje ngjarjet tragjike në bregdetin shqiptar, ku disa pushues janë mbytur në det si dhe plagosjen e disave si pasojë e shpërthimit të një cisterne gazi në një restorant në Velipojë.
Sipas Vasilit, shqiptarët po largohen nga vendi për shkak të kësaj situate, ku mungojnë edhe gjërat themelore si uji dhe energjia elektrike.
“S’ka faj ky shkollëpakët që na qeveris, sepse sa më pak t’i kesh hedhur mendjes aq më pak kupton dhe aq më rehat je. Dëgjesa u kthyen në përralla, kaq di shkollëpakti e përtej përrallës nuk shkon dot. Shqiptarët nuk i hanë përrallat, thjesht shkollëpakti gënjen veten”, shkruan Vasili.
