Deputeti i LSI-së Petrit Vasili ka akuzuar sërish sot qeverinë, ku denoncoi atë që e quan “pastrimin më të madh të parave” që po bëhet në Shqipëri.
Në një konferencë për mediat, kreu i grupit parlamentar të LSI-së, tha se kryeministri Rama duhet të largohet, teksa iu referua hapjes së ekspozitës së kreut të qeverisë në Berlin.
“Ti kryeministër duhet të largohesh, je kryeministër i hapjes së ekspozitave me para të pista. Ndërkohë që institucionet e drejtësisë gjermane kanë folur qartë dhe prerë, krimi ka marrë me PPP këtë vend”,- tha ai. Kaq e tmerrshme është kjo situatë sa sot nëse institucionet do të duan të vënë interesat e vendit mbi interesat kriminale le të flasin gjermanisht me gjuhën me të cilin Gjermania flet për krimin dhe e lufton krimin”,- tha ndër të tjera Vasili.
