Kreu i grupit parlamentar të LSI-së, Petrit Vasili, ka sjellë në fokus shembullin e Italisë, ku ministri i Brendshëm atje që po lufton krimin, bandat e kanë kërcënuar me vdekje.
Duke bërë një paralelizëm me situatën këtu, Vasili bën të ditur përmes një statusi në Facebook se Salvinin e kërcënojnë me vdekje bandat, e ndërsa kryeministrit Rama i buzëqeshin.
Vasili citon se ministri italian i ka hapur luftë të pamëshirshme krimit të organizuar, bandave, trafikantëve të drogës. E ndërsa në Shqipëri, situata është krejt tjetër. Për të, Rama bashkëjeton me 40 banda kriminale, të deklaruara nga ai vetë.
