Deputeti i LSI-së, Petrit Vasili foli sot në foltore të Kuvendit, teksa theksoi fillimisht se do të merrte fjalën që dje i takonte nënkryetarit të LSI-së, Luan Rama.
Teksa kritikoi drejtimin e seancës së djeshme, Vasili foli për projektligjin për “pakicat Kombëtare”, i cili sipas tij bie ndesh me konventën dhe Kushtetutën e vendit.
“Ky projektligj nuk bën dallimin me pakicat kombëtare me ato pa territor kompakt, si dhe nuk bëhet i mundur dallimi i statusit për këto pakica kombëtare. Me çfarë statusi cilësohen si të barabartë pakicat etnike? Zonë e pakicës do të thotë një territor kompakt me gjuhe dhe kulturë? Ku e kemi territorin kompakt te rasti i vllehëve? Ku është shumica relative tek romët, serbët apo vllehët? Ky projektligj me deformim shkencore pasqyron procese desinformuese dhe bie ndesh me Kushtetutën e vendit dhe konventën kuadër. Mund të duket një ligj i zakonshëm, por pasojat janë të rënda dhe jemi përballë provës së dinjitetit. Ju ftoj të mos e votojmë këtë ligj dhe ta përpunojmë”, tha Vasili.
