Kryetari i grupit parlamentar të Lëvizjes Socialiste për Integrim, Petrit Vasili tha se LSI-ja nuk e njeh kryeprokuroren e re. Në një intervistë për “News 24”, Vasili tha se Shqipëria nuk ka një prokuror të përgjithshëm. Ai deklaroi se në zyrën e prokurorit të përgjithshëm është piratur një person.
Vasili arsyeton me faktin se kushtetuta nuk e lejon një prokuror të përkohshëm. Gjithashtu thotë së Prokurori i Përgjithshëm votohet me 84 vota. Vasili shpjegon që më votimin që u zhvillua dje nuk kemi të bëjmë vetëm më shkelje të ligjit, por më një puç.
“Ne nuk kemi një prokuror të përgjithshëm. Ne zyrën e prokurorit të përgjithshëm është piratur një person. Kushtetuta nuk e lejon një prokuror të përkohshëm. Prokurori I përgjithshëm votohet me 84 vota. Kemi të bëjmë më një puç. Do të bëjmë një qëndresë të fortë të të gjitha formave. Në protestën e madhe të janarit do të jemi të gjithë bashkë. Unë ndaj të njëjtin mendim me kryetaren e LSI-së se nuk është e nevojshëm që të shkojmë në djegien e mandateve tona si deputetë, deklaroi Vasili.
